Online sellers
Amazon, Flipkart, Meesho ya apni website — settlement report aur GST return ke beech ka farak hi sabse zyada notices laata hai. Wahi farak hum band karte hain.
Safidon · Delhi (Burari) · PAN India — kaam poora online ho jata hai
Platform aapko net amount deta hai — commission, shipping, storage aur returns ghata kar. GST poori sale value par lagta hai, net par nahi. Isliye sirf bank credit dekh kar return bharna galat figure deta hai.
Operator har month aapki supplies aur kata hua TCS department ko report karta hai. Aapke return mein wo match na kare toh mismatch apne aap saamne aa jaata hai.
Scope
Har seller ko sab kuch nahi chahiye. Pehle dekhte hain aap kaunse platforms par hain aur stock kahan rakha hai, phir scope banta hai.
Marketplace ke through bechne par registration ke rules aam business se alag hain. Kaun sa registration lagega aur kis-kis state mein — ye pehle tay hona chahiye, listing se pehle.
Operator aapki sale par tax collect karke jama karta hai. Wo aapka credit hai aur electronic cash ledger mein aata hai — claim na karo toh paisa wahin pada rehta hai.
Har month settlement report, GSTR-1 aur GSTR-3B — teenon ko milana. Yahi wo kaam hai jo sabse zyada chhoot jaata hai aur sabse zyada mehnga padta hai.
Wapas aaya hua maal, cancel hua order aur credit note — teenon ka treatment alag hai. Ise sahi na dikhaya jaye toh turnover badha hua dikhta hai.
Platform commission, shipping, storage aur ads par GST lagta hai. Uska credit milta hai, lekin invoice aur 2B mein dikhna zaroori hai.
Agar aapka maal doosre state ke fulfilment centre mein pada hai, toh wahan alag registration ka sawal khada hota hai. Sellers ko iska pata aksar notice aane par chalta hai.
Platform aapki sale par income tax bhi kaat kar deposit karta hai. Wo aapke 26AS mein aata hai aur ITR mein claim hota hai — iska milan bhi zaroori hai.
Gross sale, platform charges aur actual profit — teenon alag figures hain. Books isi hisaab se banti hain, aur ITR usi par.
Payment gateway, COD, shipping partner aur invoicing — apne channel ka setup marketplace se alag hota hai.
Aksar ye galtiyan dikhti hain
Inme se ek bhi lag rahi ho toh ek baar reconciliation karwa lena sasta padta hai.
Net settlement ko turnover likh diya gaya — GST kam bhara aur ITR mein figure alag.
Kai sellers ka cash ledger mein paisa pada rehta hai aur unhe pata hi nahi hota.
Maal wapas aa gaya lekin sale wahi ki wahi — turnover phool jaata hai.
Ye har month ka bada kharch hota hai aur uska credit seedha profit badhata hai.
Stock wahan hai lekin registration nahi — ye baad mein bada issue ban jaata hai.
Alag-alag platforms ke figures kabhi ek jagah jode hi nahi gaye.
Process
Sabhi platforms ke settlement aur tax reports, aur GST portal ka access.
Report, portal aur books — teenon ka milan, gap ki likhit list ke saath.
Pending returns, credit notes aur TCS credit clear karte hain.
Uske baad har month wahi cycle chalta rehta hai, deadline hum track karte hain.
Fees
Seller ka kaam har month ka hai, isliye zyadatar monthly chalta hai. Shuruat mein ek baar ka setup alag se hota hai.
Naya seller ya bikhra hua purana record
₹5,000 se shuru · + GST · one-time
Exact fee scope dekhne ke baad fix hoti hai
Ek marketplace, ek state ka stock
₹3,000 / month se shuru · + GST
Exact fee scope dekhne ke baad fix hoti hai
Kai marketplaces, apni website ya doosre state mein stock
₹6,500 / month se shuru · + GST
Exact fee scope dekhne ke baad fix hoti hai
Is page par di gayi jaankari general information hai, professional advice nahi. Tax positions facts aur us waqt ke law par depend karti hain — apne case ke liye humse baat kar lijiye.
Marketplace ke through bechne par registration ke rules aam business se alag hain, aur kuch categories mein chhoot bhi hoti hai. Aap kya bech rahe hain aur kis platform par — itna bata dijiye, hum saaf bata denge ki registration banta hai ya nahi.
Haan, dono alag cheezein hain. Ek GST ke tehat collect hota hai aur cash ledger mein aata hai, doosra income tax ke tehat kat kar 26AS mein aata hai. Dono ka credit aapka hai, bas claim karna padta hai.
Agar aapka stock us state ke warehouse mein rakha ja raha hai toh wahan registration ka sawal khada hota hai. Hum aapke fulfilment centres ki list dekh kar batate hain ki kahan-kahan zaroorat hai.
Har return ke liye credit note banana padta hai aur usi period mein report karna hota hai. Warna aapka turnover asli sale se zyada dikhta hai aur tax bhi usi hisaab se banta hai.
Zaroorat nahi. Dono ka data ek jagah aana chahiye — warna GST aur ITR ke figures kabhi match nahi karenge. Hum sab platforms ko ek hi set of books mein laate hain.
Ab bhi ho sakta hai. Pehle gap ki list banti hai, phir jo theek ho sakta hai wo theek karte hain aur jo exposure hai wo pehle hi bata dete hain.
Aur bhi
Ek month ki settlement report aur GST login — itne se hum bata denge ki kahan-kahan gap hai aur kitna kaam hai. Iske liye koi charge nahi.