Manufacturing & factories
Manufacturing mein compliance sirf return filing nahi hai. Inputs, job work, movement, labour aur payment terms — sab ek chain hai, aur ek kadi tootne par production rukta hai.
Safidon · Delhi (Burari) · PAN India — kaam poora online ho jata hai
Yahan stock, job work, wastage, capital goods aur inward transport — sab GST records se jude hote hain. Generic bookkeeping se ye chalta nahi, aur audit ke waqt yahi gaps nikalte hain.
E-way bill mein galti par gaadi road par rok li jaati hai. Supplier ne return nahi bhara toh aapka ITC atak jaata hai. Dono cases mein nuksan production ka hota hai, sirf tax ka nahi.
Scope
Zyadatar units ko har cheez ki zarurat nahi hoti. Pehle dekhte hain aapke setup mein kya applicable hai, phir usi ka scope banate hain.
Monthly returns, inputs aur capital goods par ITC, blocked credits ka review, aur inverted duty structure wale units ke liye refund claim.
Job worker ko bheja gaya material, wapas aane ki timeline, aur ITC-04 ki reporting. Time limit nikalne par wo supply maan liya jaata hai — yahi sabse common miss hai.
Turnover ke hisaab se e-invoicing applicability, e-way bill ka sahi generation, aur detention ya penalty ki soorat mein representation.
Bade purchases par TDS u/s 194Q aur sales par TCS u/s 206C(1H) — dono ek saath nahi lagte. Kaun kaatega, ye pehle tay karna sasta padta hai.
Micro aur small suppliers ko time par payment na ho toh us kharch ki deduction usi saal nahi milti. Vendor master ko Udyam status ke saath tag karna zaroori ho gaya hai.
Factory licence, PF, ESI, contractor compliance aur registers. Inspection ke waqt yahi records maange jaate hain.
Kai manufacturing sectors mein cost records rakhna aur limit cross hone par cost audit compulsory hai. Humare paas CMA support in-house hai.
IEC, customs documentation, export benefits aur state industrial policy ke incentives — eligibility aur claim ka process.
Board ke resolutions, registers, annual return aur financial statements — saal bhar ka calendar ek jagah.
Common gaps
Ye wo cheezein hain jo hum nayi units mein baar-baar dekhte hain. Inme se ek bhi lag rahi ho toh check karwana faayde ka rehta hai.
Turnover, ITC aur stock — teenon jagah alag figures. Ye annual return ke waqt hi pakda jaata hai, jab reply karne ka time kam hota hai.
Material bahar gaya, wapas kab aaya iska record nahi. Bina register ke time limit prove karna mushkil ho jaata hai.
Purchase ledger mein ye field hi nahi hota, isliye 45-din ka rule track hi nahi hota.
Machinery par claim toh le liya, lekin depreciation mein bhi wahi amount chala gaya — dono ek saath nahi ho sakte.
Principal employer ki zimmedari rehti hai, chahe labour contractor ke through ho.
Scrap sale ka GST treatment chhoot jaata hai, aur wastage ka percentage justify nahi ho paata.
Process
Ek baar registrations, returns aur records dekh kar likhit gap list banate hain.
Kaun sa gap paisa ya penalty bacha raha hai — usko pehle. Baaki ko timeline par.
Pending filings, registers aur corrections poore karte hain, aapke team ke saath.
Uske baad monthly retainer par chalta hai — calendar humara, production aapka.
Fees
Manufacturing ka kaam har mahine ka hota hai, isliye zyadatar units retainer par chalti hain. Ek baar ka health check alag se bhi kara sakte hain.
Ek baar ka review — naye client ya naye setup ke liye
₹7,500 se shuru · + GST · one-time
Exact fee scope dekhne ke baad fix hoti hai
Chalti hui unit, regular GST aur payroll
₹12,500 / month se shuru · + GST
Exact fee scope dekhne ke baad fix hoti hai
Ek se zyada units ya states, cost audit applicable
₹30,000 / month se shuru · + GST
Exact fee scope dekhne ke baad fix hoti hai
Is page par di gayi jaankari general information hai, professional advice nahi. Tax positions facts aur us waqt ke law par depend karti hain — apne case ke liye humse baat kar lijiye.
Bahut units mein accountant entries theek karta hai, lekin job work timelines, ITC eligibility aur cost records jaise cheezein alag expertise maangti hain. Kai clients apna accounting in-house rakhte hain aur sirf review, returns aur representation humein dete hain.
Nirdharit time limit ke baad wo movement supply maani jaati hai aur us par tax ki demand ban sakti hai. Isliye register aur ITC-04 time par rakhna hi asli bachaav hai.
Kai cases mein haan — jab input ka rate output se zyada ho. Eligibility aur amount aapke item ke rate structure par depend karti hai; hum pehle calculate kar ke batate hain ki claim banta hai ya nahi.
Agar aapke supplier micro ya small enterprise hain toh haan — unhe time par payment na hone par us kharch ki deduction usi saal nahi milti. Isliye vendor master mein Udyam number capture karna sabse pehla step hai.
Haan. Multi-state GST regularly handle karte hain. Documents online, baat call par — PAN India kaam hota hai.
Haan. Pehle ek health check karte hain taaki exposure saaf ho, phir priority ke hisaab se clear karte hain. Kitna time aur kitni fees — dono pehle likhit mein bata dete hain.
Aur bhi
Registrations, turnover aur abhi kaun-kaun si filings pending hain — itna kaafi hai. Hum bata denge ki kya risk hai aur kaam kitna hai. Iske liye koi charge nahi.