Brand protection
Naam par mehnat aur paisa lagta hai, lekin haq usi ka hota hai jiske paas registration hai. Search se lekar objection reply tak, poora kaam ek jagah.
Safidon · Delhi (Burari) · PAN India — kaam poora online ho jata hai
Bina search ke file karna sabse aam galti hai. Milta-julta mark pehle se registered ho toh application objection ya opposition mein phas jaati hai, aur us waqt tak aap brand par kharch kar chuke hote hain.
Application file hote hi aap apne naam ke saath TM likh sakte hain, aur wo tareekh aapke haq ki tareekh ban jaati hai. Isliye der karne ka koi faayda nahi.
Process
Har application ek jaisa nahi chalta — kuch seedhe register ho jaate hain, kuch objection ya opposition se guzarte hain.
Aapka naam pehle se kisi ke paas toh nahi — aur aapka business kis class mein aata hai. Galat class mein filing ka matlab hai protection kahin aur mil gaya.
Sahi applicant ke naam par, sahi class aur description ke saath. Individual, startup aur small enterprise ke liye government fee kam hoti hai.
Examination report aane par uska reply likhit mein dena hota hai, deadline ke andar. Achha reply hi wo jagah hai jahan zyadatar applications bachti hain.
Koi doosra aapke mark ka virodh kare, ya hearing lag jaye — dono mein representation hum karte hain.
Registration ke baad mark ek nishchit avadhi ke liye chalta hai aur samay par renew karna padta hai. Date miss hone par mark khatam ho sakta hai.
Brand kisi aur ko dena, company ke naam par transfer karna, ya use karne ka licence dena — sab documented hona chahiye.
Content, artwork, software code ya manual — jahan trademark nahi chalta wahan copyright kaam aata hai.
Product ki shape aur look — agar aapka product dikhne mein alag hai toh uska alag protection hota hai.
Koi aapka naam use kar raha hai — notice se lekar aage ki karvai tak, legal side bhi humare paas hi hai.
Ye baatein pehle se jaan lijiye
In par shuruat mein 10 minute lagana, baad ke mahine bacha deta hai.
Proprietor, company ya founder — ye aage chal kar funding aur transfer dono par asar daalta hai.
Word mark aur logo — dono ka protection alag hota hai. Zyadatar business ko word mark pehle chahiye.
Aap aage kya bechne wale hain — agar wo abhi ki class se bahar hai toh usi waqt soch lena sasta padta hai.
Humari professional fee aur department ki fee alag hain. Individual, startup aur small enterprise ke liye department ki fee kam hoti hai.
Registration ek lambi process hai. Lekin protection application ki tareekh se judta hai, isliye jaldi file karna faayda deta hai.
Bahut purane brands sirf isliye khatam ho jaate hain kyunki renewal ki date nikal gayi. Hum ye date track karte hain.
Process
Naam aur class ka search, aur uska seedha matlab — risk hai ya nahi.
Documents aur application, usi din ya agle din.
Objection ya opposition aaye toh reply aur representation hum karte hain.
Registration ke baad renewal ki date humare calendar mein rehti hai.
Fees
Neeche professional fees hain. Department ki government fee alag lagti hai aur class aur applicant type par depend karti hai — wo hum pehle hi bata dete hain.
Ek brand, ek class
₹3,500 se shuru · + GST · government fee alag
Exact fee scope dekhne ke baad fix hoti hai
Examination report aa gayi hai
₹7,500 se shuru · + GST
Exact fee scope dekhne ke baad fix hoti hai
Koi virodh kar raha hai, ya hearing lagi hai
₹15,000 se shuru · + GST
Exact fee scope dekhne ke baad fix hoti hai
Is page par di gayi jaankari general information hai, professional advice nahi. Tax positions facts aur us waqt ke law par depend karti hain — apne case ke liye humse baat kar lijiye.
Search zaroori hai. Bina search ke file karne par milta-julta mark saamne aane ka risk rehta hai, aur tab tak aap fee aur brand dono par kharch kar chuke hote hain. Search sasta hai, objection mehnga.
Ye process lambi hai aur department ke workload par depend karti hai. Lekin aapka haq application ki tareekh se judta hai, isliye der karne se sirf nuksan hota hai.
Zaroori nahi, lekin dono ka protection alag hota hai. Zyadatar business pehle word mark lete hain, kyunki wo naam ko har form mein cover karta hai. Logo baad mein bhi ho sakta hai.
Wo class aur applicant type par depend karti hai — individual, startup aur small enterprise ke liye kam hoti hai. Aapka case dekh kar exact number pehle hi bata dete hain.
Dono ka aapas mein sambandh hai. Agar company banne wali hai toh mark kis naam par ho, ye pehle tay karna behtar hai — baad mein transfer karna extra kaam hai.
Pehle dekhte hain ki aapka registration ya application kis stage par hai, phir notice aur aage ki karvai. Legal side bhi humare hi paas hai, isliye alag jagah bhaagna nahi padta.
Aur bhi
Sirf naam aur aap kya bechte hain — itne se hum search karke bata denge ki raasta saaf hai ya nahi. Iske liye koi charge nahi.